မည်သည့်လ၌ မဆို (၅) ရက် (၁၄) ရက် (၂၃) ရက်တို့၌ ဖွားမြင်သော သူများ

 

(၅) ဂဏန်းသမားများသည် စိတ်မြန်လက်မြန်ရှိပြီး ဟောဟောဒိုင်းဒိုင်း လုပ်ကိုင်တတ်၏။ စဉ်းစားဆုံးဖြတ်ရာတွင် မြန်ဆန်တတ်ပြီး ချက်ချင်းထလုပ်ရမှ ကျေနပ်တတ်သည်။ ဆိုင်းငံ့နေခြင်း၊ တုံ့နှေးနေခြင်းကို လုံးဝမကြိုက်ပေ။ ထို့ကြောင့် ငွေရှာရာတွင် စိတ်ရောကိုယ်ပါ  အပင်ပန်းခံကာ အလျှင်အမြန် ရှာဖွတတ်၏။ ငွေရှာ အလွန်ကောင်းသော တော်သော သူတစ်ယောက်ဖြစ်၏။

 

ပေါင်းသင်းဆက်ဆံရာတွင် မည်သူကို မဆိုတည့်အောင် ပေါင်းနိုင်၏။ မိတ်ဆွေသစ်များအပေါ် ခင်မင်လွယ်၏။ စိတ်ထိခိုက်စရာ ကြုံလာပါကလည်း လွယ်ကူစွာထိခိုက်တတ်လေသည်။ တီထွင်ကြံဆ၍ စီးပွားရေး လုပ်ငန်းလုပ်ခြင်းမျိုး၌ အကျိုးပေးတတ်၏။ ကုန်ရောင်းကုန်ဝယ်လုပ်ခြင်းကြောင့် ကြီးပွားချမ်းသာတတ်၏။ အနှောင့် အယှက်မှန်သမျှကိုလည်း တွန်းလှန်တိုက်ခိုက်ရန် အမြဲ ကြံစည်နေတတ်သူဖြစ်၏။

 

(၅) ဂဏန်း၏ သဘောမှာ ကံဆိုးကံကောင်းဟူသမျှ အကျိုးပေးအားလုံးသည် ၎င်းတို့အား ဒုက္ခအကြီးအကျယ် ရောက်စေမည်မဟုတ်ဘဲ ၎င်းတို့ကသာ အလိုလို စိတ်ညစ်နေမည်။ စိတ်ညစ်နေခြင်း စိတ်ကြီးခြင်းကသာလျှင် ၎င်းတို့၏ ဒုက္ခဖြစ်လေသည်။ (၅) ဂဏန်းသမားများသည် အကြံသစ် ဉာဏ်သစ်များကို ထုတ်နိုင်သော ထူးခြားသော ဂဏန်းပိုင်ရှင်ဖြစ်သည်။ တစ်ခါတစ်ရံ ဉာဏ်နှင့်ဆိုင်သော ကျင့်သုံးမှုမျိုးကို လိုက်စားတတ်၏။ သို့တိုင် တပိုင်းတစ နှင့် ပစ်ထားတတ်ပြန်သည်။

 

အထူးသတိပြုသင့်သည်မှာ မသေချာ မရောရာဘဲ ဟိုဟိုဒီဒီ အချိန်ကုန်စေခြင်းကို ရှောင်သင့်သည်။ နေရာတကာ ပါဝင်တတ် သိနားလည်တတ်ကြသဖြင့် မည်သည့် ပတ်ဝန်းကျင်နှင့်မဆို သင့်မြတ်တတ်လေသည်။ ဖြတ်ထိုးဉာဏ် ဇ၀နဉာဏ်ကောင်း၏။ မည်သည့် ပညာရပ်ကို မဆို အနည်းငယ်မျှ သင်ကြားရုံမျှဖြင့် လွယ်ကူစွာ တတ်မြောက်နိုင်၏။ ဦးနှောက်ကောင်းသောသူ တစ်ယောက်ဖြစ်လေသည်။

 

စိတ်နေစိတ်ထား နှစ်မျိုးရှိတတ်သည်။ တစ်စုံတစ်ရာကို ရဲရင့်စွာပြုလုပ်တတ်သော်လည်း တစ်နေရာရာတွင်မူ သူမတူအောင် ကြောက်ရွံ့နေတတ်ပြန်သေးသည်။ တစ်ခါတစ်ရံ ကြင်နာသနားတတ်သော်လည်း တစ်ခါတစ်ရံ ရက်စက်တတ်၏။ တစ်ခါခါ အလွန်ရက်ရောက်သော်လည်း တစ်ခါခါ အလွန်နှမြောတွန့်တိုတတ်ပြန်သည်။ စိတ်လှုပ်ရှားမှု များသဖြင့် စိတ်ပါလျှင် ကောင်း၏။ စိတ်မပါလျှင် အလုပ်ကောင်း အလုပ်မွန်၌လည်း ဖြစ်ကတတ်ဆန်း လုပ်တတ်၏။ ၎င်းတို့၌ အခြေအနေအရ အပြောင်းအလဲ ရှိတတ်သည်။ မည်သည့်လုပ်ငန်းကိုင်ငန်း၌ မဆို စွဲစွဲမြဲမြဲလုပ်ကိုင်ပါက အောင်မြင်တတ်လေသည်။

 

စိန် ပလက်တီနမ်နှင့် ငွေတို့ကို လက်စွပ်လုပ်လျှက် ၀တ်ဆင်သင့်၏။ အညိုနု၊ အဖြူနှင့် တောက်ပသော အရောင်များအားလုံး အကျိုးပေး၏။ အနက်ရောင်ကို ရှောင်သင့်သည်။ ကျန်းမာရေးအနေဖြင့် အစားမှား၍ ၀မ်းဗိုက်နာခြင်းရောဂါများဖြစ်တတ်သည်။ ကြိုက်နှစ်သက်လျှင် အစားအစာတစ်ခုကို လွန်လွန်ကျူးကျူးစားသုံးတတ်သည်။ ထိုမှ ရောဂါ ရနိုင်သည်။ အာရုံကြောရောဂါလည်း ဖြစ်တတ်သည်။ နှာခေါင်းနှင့် လည်ချောင်း၊ အရေပြားတို့တွင် ဖြစ်တတ်သောရောဂါကို သတိပြုသင့်သည်။ စိတ်မကျေမချမ်းဖြစ်ခြင်းကို အထူးရှောင်သင့်သည်။