မည်သည့်လ၌မဆို (၇) ရက်၊ (၁၆) ရက်၊ (၂၅) ရက်နေ့၌ ဖွားမြင်သောသူများ

 

စိတ်နေသဘောထားမှာ နှေးကွေးသော်လည်း အတက်အကျမြန်၏။ ထူးဆန်းသော အကြောင်းအရာများကို ၀ါသနာပါ၏။ လိုက်စားတတ်၏။ ထူးဆန်းသော အယူအဆများအပေါ် အယူသည်းတတ်၏။ စိတ်ကူးမှု ထူးထွေ ဆန်းပြားသလောက် လက်တွေ့ကိုလည်း ထူးထွေဆန်းပြားစွာ လုပ်ကိုင်တတ်၏။ စိတ်ပညာဆိုင်ရာ အကြောင်းအရာများ စိတ်တန်ခိုးကျင့်စဉ်များကို လေ့လာလိုက်စားသည်ကို တွေ့ရ၏။

 

စိတ်ကူးယဉ်တတ်သော်လည်း လက်တွေ့လုပ်ကိုင်တတ်သဖြင့် ကျရှုံးလျှင်သော်လည်းကောင်း အောင်မြင်လျှင် သော်လည်းကောင်း အထက်ဆုံးနှင့် အောက်ဆုံးသာဖြစ်တတ်ကြ၏။ အပြောအဆိုနည်းပြီး လက်တွေ့လုပ်ကိုင်မှု များလေသည်။ အစွဲအလန်းကြီးသဖြင့် မဖြစ်မနေ ပြင်းထန်စွာ လုပ်ကိုင်တတ်ကြရာ ရုတ်တရက် ကောက်ကာ ငင်ကာ ဖျားနာခြင်းမျိုး ကြုံတတ်၏။

 

တစ်ကိုယ်တည်း လွတ်လပ်စွာအတွေး လွတ်လပ်စွာပြောဆို နေထိုင်လိုသော စိတ်ရှိ၏။ ခရီးသွားလာလို၏။ ဒေသန္တရ ဗဟုသုတရှာမှီးလိုတတ်၏။ တစ်နေရာတည်းတွင် သေတပန်သက်တစ်ဆုံ နေခြင်းကို မလိုလားတတ်ပေ။ နိုင်ငံရပ်ခြား ဘာသာစကားများကိုလည်း တတ်မြောက်လိုသဖြင့် သင်ကြားသော် အလွယ်တကူ တတ်မြောက် တတ်ကြ၏။

 

အနုပညာလုပ်ငန်းများအပေါ်လည်း ၎င်းတို့ စိတ်ဝင်တစားရှိတတ်ကြ၏။ ရုပ်လောကထက် စိတ်လောကကို စူးဝင်နစ်မြုပ်တတ်သဖြင့် ၎င်းတို့အပြုအမူများမှာ သာမာန်လူတို့အတွက် ဆန်းပြားနေတတ်၏။ ၀ိဉာဏ်လောက နာမ်လောက အကြောင်းများကိုလည်း စိတ်ဝင်စားတတ်၏။ ယုံလည်း ယုံကြည်တတ်ကြ၏။ အင်းအိုင်ခလဲ့ လက်ဖွဲ့အဆောင်စသော ပညာရပ်များကိုလည်း တတ်သိနားလည်လိုကြ၏။ ထူးဆန်းသော ဖြစ်ရပ်များကို ပြောရမည်ဆိုလျှင် အလွန်အပြောကောင်းသူတစ်ယောက်ဖြစ်လေသည်။

 

စိတ်အားကြံ့ခိုင်မှု အပြည့်အ၀ရှိသောကြောင့် သူတပါးအပေါ်ဝယ် သြဇာသက်ရောက်တတ်လေသည်။ အချစ်ရေးတွင် ရုပ်ပိုင်းဆိုင်ရာကို လုံးဝလျစ်လျှူရှုတတ်ပြီး စိတ်နှလုံးနှင့် ထိတွေ့မှုရှိလျှင် မည်သူ့ကို မဆို လက်ထပ်ယူတတ်လေသည်။

 

သင့်လျှော်သော အဆောင်မှာ ကျောက်နီအမျိုးမျိုးနှင့် ပုလဲတို့ကို လက်စွပ်လုပ်ဝတ်ခြင်းပင်ဖြစ်သည်။ သင့်တော်သော အရောင်များမှာ ဖျော့သော အရောင်များ၊ အစိမ်းရောင်၊ အ၀ါရောင်၊ အဖြူရောင်တို့ဖြစ်သည်။ ရှောင်ရန်မှာ အနက်ရောင်ဖြစ်သည်။ ၀မ်းဗိုက်နှင့်ပတ်သက်သောရောဂါ အစာမကြေရောဂါ အစာ အဆိပ်အတောက် ရောဂါကို အထူးသတိထားသင့်သည်။ ရေမှန်မှန်ချိုးခြင်း ရေ၀အောင်သောက်ခြင်း ရေနှင့် နီးနီးနားနားနေပါက ကျန်းမာရေးနှင့် ပတ်သက်၍ ပြောရန်မရှိပေ။